Tanlovning bu yilgi tuman va shahar bosqichida turli fan olimpiadalari, ko‘rik-tanlov, festival va sport musobaqalarida faol ishtirok etib, viloyat, respublika hamda xalqaro miqyosda ma’lum yutuqlarni qo‘lga kiritgan, maktab, litsey va kollejlarda tahsil olayotgan, “Mehribonlik uylari”da tarbiyalanayotgan 14 yoshdan 22 yoshgacha bo‘lgan 2270 nafar iqtidorli qiz ishtirok etdi. Ulardan 94 nafari bu nufuzli tanlovning viloyat bosqichida qatnashish huquqiga ega bo‘ldi.

Viloyat bosqichida ishtirokchilar bilan suhbat o‘tkazildi va ularning fan va ta’lim, san’at va madaniyat sohasidagi izlanishlari, erishgan yutuqlari, yangi loyihalari, shuningdek, xalqimizning sevimli shoirasi Zulfiyaxonim hayoti va ijodi bilan qanchalik tanish ekanliklari hisobga olinib, eng munosiblari saralandi.

Viloyat bosqichida muvaffaqiyat qozongan 20 nafar qiz tanlovning yakuniy respublika bosqichida ishtirok etish huquqiga ega bo‘ladi.

X.QILICHEVA

Suratda: tadbir ishtirokchilari.

Sobir NARZIYEV olgan surat.