Халқаро футбол иттифоқи жорий йилда Қатарда бўлиб ўтадиган футбол бўйича жаҳон чемпионатининг расмий тўпини намойиш қилди. Копток сурати ФИФАнинг ижтимоий тармоқлардаги саҳифаларига жойлаштирилган. 

Шунингдек, ташкилот тўпнинг номланишини ҳам маълум қилган: Al Rihla – араб тилидан “саёҳат” деб таржима қилинади. Турнир коптогининг расмий тақдимоти кейинроқ Испания терма жамоаси собиқ дарвозабони Икер Касильес ва 2002 йилда Бразилия термаси сафида жаҳон чемпионлигини қўлга киритган футболчи – Кака иштирокида ташкил этилади.

Эслатиб ўтамиз, ЖЧ-2022 21 ноябрда старт олади. Финал баҳси 18 декабрга мўлжалланган.