Тараддуд

Янги 2024-2025 ўқув йилида Қашқадарёда 66 минг 401 нафар бола илк бор мактабга қадам қўйиб, уларга 12 турдаги ўқув қуроллари, мактаб сумкаси, дарсликлар тўпламидан иборат Президент совғалари топширилади.

Шунингдек, вилоят мактабгача ва мактаб таълими бошқармаси ахборот хизматининг маълумотларига қараганда, воҳамизда янги ўқув йили ҳамда Ўзбекистон Республикаси давлат мустақиллигининг 33 йиллиги муносабати билан 12 та умумий ўрта таълим мактаби ва 5 та давлат мактабгача таълим ташкилоти фаолият бошлаши режалаштирилган.