Қарорда таъкидланишича, музей қайта ташкил этилганидан сўнг давлат бюджети маблағлари асосида молиялаштирилади. Шу билан бир қаторда, 2024-2025 йиллар давомида музей биноси инвестиция дастури доирасида реконструкция қилиниши белгиланган.

Маълумот ўрнида келтириб ўтамиз, вилоят ўлкани ўрганиш музейи 1975 йилда Қарши шаҳрида ташкил этилган. У 1909 йилда қурилган Хўжа Абдулазиз мадрасасида 2007 йилга қадар фаолият кўрсатиб келган. Музей 2007 йилдан буён махсус қурилган бинода фаолиятини давом эттириб келмоқда.

Вазирлар Маҳкамасининг қароридаги яна бир муҳим жиҳат шундан иборатки, мутасадди ташкилотларга Сурхондарё, Навоий, Фарғона вилоятлари ҳамда воҳамизда музей-қўриқхоналар ташкил этиш бўйича Вазирлар Маҳкамасининг қарори лойиҳасини тайёрлаш вазифаси юклатилган. Қарор лойиҳасини киритиш муддати жорий йилнинг III чораги этиб белгиланган.

Ж.БОЙМУРОДОВ