Хитойлик аёл бир дақиқада турникда тортилишлар сони бўйича жаҳон рекордини ўрнатди, дея маълум қилади UPI манбаси.

Гуандун провинциясида 44 ёшли фитнес блогер Се Тин турникда бир дақиқада 44 марта тортилишни амалга ошириб, янги жаҳон рекордини ўрнатган. Шу тарзда у 2022 йилда шунча вақт ичида 39 марта тортилган америкалик Инга Симнинг натижасини ортда қолдириб, ютуғини расман қайд эттириб қўйган.

Спортчи аёл қўлга киритган муваффақиятига қарамай, эришилган натижа билан тўхтаб қолмоқчи эмаслигини маълум қилган.

"Рекордни янгилаган бўлсам-да, ўсишим учун яна имконият борлигини ҳис қилаяпман", деган у.

Ҳакамлар эришилган натижа нафақат хитойлик аёлнинг жисмоний тайёргарлигини кўрсатиши, балки кўпчиликни спорт билан шуғулланишга ва янги марралар сари интилишга ҳам руҳлантиришини қайд этган.