Aksiya doirasida o‘tkazilgan “Tozalik, ozodalik – salomatlik garovi” nomli tadbirlar davomida endigina maktab ostonasidan hatlagan bolajonlarga shaxsiy gigiyena va sog‘lom turmush tarzi haqida tushunchalar berildi. Atrof-muhit, jamoat joylari, maktab, sinfxonalarini toza-ozoda tutishning afzalliklari, turli yuqumli kasalliklar to‘g‘risidagi ma’lumotlar yetkazildi.

- Tadbirlar maktablarda 1-akademik soat sifatida, darslardan tashqari vaqtlarda tashkil etildi, - deydi viloyat kasaba uyushmalari tashkilotlari birlashmasi Kengashi vakili Bahrom Sattorov. – Bolajonlar bilan muloqotlarda interfaol usullardan mohirona foydalanilgani uning samaradorligini oshirdi. Ko‘rgazmali vositalar, maxsus film va multfilmlar namoyishi tushuntirish ishlari yanada ta’sirliroq chiqishini ta’minladi.

Sohiba SUYUNOVA