Меню

Қашқадарё

17.11.2022 5076

Толиблар ҳукумати жиноятлар учун шариат қонунлари асосида жазо тайинлашга ўтмоқда

"Толибон" ҳаракатининг олий раҳбари Ҳайбатулла Охунзода Афғонистондаги судларга қатор жиноятлар учун шариат қонунлари асосида жазо тайинлашни буюрди, бу қоидалар айрим ҳолатларда қўл ёки оёқни кесиш, омма олдида калтаклаш ва тошбўрон қилиш каби усулларни назарда тутади. Бу ҳақда BBC манбаси ҳаракатнинг расмий вакили Забихулла Мужоҳидга асосланиб хабар тарқатган.

Ҳукумат қарашларига кўра, талончилик, одам ўғирлаш ва исёнга ундаш каби ҳуқуқбузарликлар шариат қонунлари асосида жазоланиши керак.

Забихулла Мужоҳид ўзининг Twitter саҳифасида Ҳайбатулла Охунзоданинг судьялар билан учрашув чоғида айтган: "Ўғрилар, талончилар ва исёнчилар ҳақидаги ишларни диққат билан ўрганинг", деган гапларидан иқтибос келтирган.

Сайт материалларидан тўлиқ ёки қисман фойдаланилганда веб-сайт манзили кўрсатилиши шарт!