Ушбу тадбир давомида ходимларнинг меҳнат фаолияти, ишлаб чиқариш жараёнида технологик интизомга риоя қилиши устидан назоратни     кучайтиришга, иш жойларини текширишда йўл қўйилган камчиликларни бартараф этишга асосий эътибор қаратилди.

- Маълумки, техника хавфсизлиги қоидаларига доимо амал қилган ходим ўзининг соғлиғи ва ҳаёти учун бехатар иш шароитини таъминлайди, - дейди жамиятнинг реле ҳимояси, автоматика ва ўлчаш хизмати бўлими бошлиғи Ўктам Долиев. – Мазкур кўрик-ойликни ўтказишдан мақсад ҳам шу – ускуналарга хизмат кўрсатувчи ҳар бир ходимнинг касбий маҳоратини юксалтириш, билим даражасини янада оширишдир. Ўтган бир ой давомида аввалдан белгиланган вазифаларнинг бажарилишига эришдик.

Аҳамиятлиси, ушбу кўрик-ойлик давомида тизимда ишлаётган ходимлардан иборат 11 жамоа иштирокида мусобақа ташкил этилди. Жамоа аъзоларининг техника хавфсизлиги бўйича     тайёргарлиги, билим ва кўникмаси синовдан ўтказилди. Якунда ғолиблар рағбатлантирилди.

МИРЖАҲОН