Тест синовлари қатъий назорат, адолатли ташкил этилишига асосий эътибор қаратилди. Саволларни ечиш учун 3 соат вақт ажратилди. Ўз навбатида аскарларнинг мазкур жараёнга аввалдан пухта тараддуд кўргани уларнинг ғайратидан ҳам сезилиб турди.               

- Муддатли ҳарбий хизматга Андижон вилоятидан чақирилганман, - дейди оддий аскар Нодиржон Набиев. - Хизматим давомида интизомли бўлиш, аъло хулқ намойиш этишга ҳаракат қилаяпман. Тадбирларда фаол қатнашаман. Яқинда округ миқёсида ўтказилган "Темур тузуклари билимдони" танловида ҳарбий қисмимиз шарафини муносиб ҳимоя қилиб, ғолиб бўлдим. Ҳарбийликка қизиқишим юқори. Ниятим - шу касбни пухта эгаллаш. Ижобий тавсиянома олсам, ҳарбий олий таълим муассасасига ўқишга топшираман. Юртимга хизмат қилсам, дейман.

Маълумки, намунали ҳарбий интизом, жанговар ва маънавий-маърифий тайёргарликда юқори натижаларга эришган, тест синовларида энг кўп балл тўплаган муддатли ҳарбий хизматчилар ҳарбий қисм раҳбариятининг тегишли тавсияномасини қўлга киритади. Ушбу тавсиянома эса мамлакатимиз олий таълим муассасаларига ўқишга киришда муайян имтиёз беради.

Бу каби тест синовлари вилоятимиздаги барча ҳарбий қисм ва муассасаларда бўлиб ўтмоқда.

М.ЖЎРАЕВ

Суратларда: тест синовларидан лавҳалар.

Собир НАРЗИЕВ олган суратлар.