Бруней султони Ҳассанал Болкиах учун ишлаб чиқарилган ноёб Lamborghini LM002 йўлтанламаси кимошди савдосига қўйилди. Бу ҳақда auto.ru манбаси хабар тарқатган.

"SBX Cars онлайн платформасида ўз типида ягона бўлган Lamborghini LM002 учун савдолар давом этмоқда. Италия компанияси бундай автомобиллардан 300 га яқинини ишлаб чиқарган, бироқ у ягона беш эшикли универсал кузовлиги аниқ. Йўлтанламас султон буюртмаси бўйича йиғилган", дейилади материалда.

Қайд этилишича, автомобиль модель учун стандарт бўлган двигателлардан бири - 450 от кучига эга 5,2 литр ҳажмли Lamborghini Countach V12 билан жиҳозланган.

Ҳассанал Болкиах автомобиллар коллекционери ҳисобланади. Турли маълумотларга кўра, унинг коллекциясида 600 тадан кўпроқ Rolls-Royce, 500 тача Ferrari, Koenigsegg ва шунингдек, Формула-1 чемпионат машиналари бор.