Акция давомида мактабгача таълим муассасалари, мактаблар, академик лицей ва касб-ҳунар коллежлари ўқувчилари иштирокида ҳарбийлар билан учрашувлар, ҳарбий техникалар намойиши ва кўргазмали ўқув машғулотлари ташкил этилмоқда. Навбатдаги шундай тадбир Қарши сержантлар тайёрлаш мактабида ташкил ўтказилди. Унга Қарши банк коллежи ва Қарши шаҳридаги 13-мактаб ўқувчи ва ўқитувчилари таклиф қилинди. Дастлаб меҳмонларга юртимизда фаолият кўрсатаётган ҳарбий билим юртлари, уларда таҳсил олишни истаганлар учун қўйилган талаблар, имтиҳонлар ҳақида батафсил маълумот берилди. Сўнг ўқувчилар Қарши сержантлар тайёрлаш мактаби ҳаёти билан яқиндан таништирилди. Улар кўргазмали машғулотларда иштирок этиб, ўзларини ҳарбий соҳада синаб кўришди.

- Менда отиш тренажёрлари ва тоғ тайёргарлиги ўқув майдонидаги кўргазмали машғулот катта таассурот қолдирди, - дейди тадбир иштирокчиси Нодир Давлатов. – Келажакда ҳарбий бўлишни орзу қилардим, энди бу орзуга эришиш учун нималарга эътибор қаратишим лозимлигини ҳам чуқур билиб олдим.

Акция давом этмоқда.

Х.ҚИЛИЧЕВА