Жорий йил 30 апрель куни "Ўзбекистон Республикаси Конституцияси тўғрисида"ги Ўзбекистон Республикаси Конституциявий қонуни лойиҳаси бўйича Ўзбекистон Республикаси референдуми бўлиб ўтади. Ушбу муҳим сиёсий тадбир олдидан Ўзбекистоннинг барча ҳудудлари сингари вилоятимиз шаҳар ва туманларида ҳам эстрада юлдузлари, спортчилар, давлат идоралари вакиллари, жамоат арбоблари, тадбиркорлар ва фаол ёшлар иштирокида кенг миқёсли тарғибот тадбирлари, концерт дастурлари ўтказилмоқда.