Shu munosabat bilan o‘tkazilgan tadbirda Birinchi Prezidentimiz rahnamoligida  mamlakatimiz Qurolli Kuchlarida amalga oshirilgan keng ko‘lamli islohotlar yuksak samaralar berayotgani, O‘zbekiston o‘zining zamonaviy, ixcham va harakatchan, yaxshi qurollangan, yurtimiz  tinchligi, sarhadlarimiz daxlsizligi va xalqimizning osoyishta hayotini ishonchli himoya qilishga qodir milliy armiyasiga ega bo‘lgani alohida  ta’kidlandi.

O‘z bilim va tajribasini yanada oshirgan, yetuk va professional malakaga ega bo‘lgan serjantlar O‘zbekiston Respublikasi Qurolli Kuchlari tarkibidagi harbiy qismlarga yuborilmoqda. Kichik komandirlar o‘tgan davrda maktabda yuksak jangovar va axloqiy-ruhiy sifatlarga ega bo‘lish barobarida, kichik taktik bo‘linmalarni mohirona boshqarish, murakkab jangovar sharoitlarda tez va to‘g‘ri qaror qabul qila olish, og‘ir vaziyatlarda optimal qarorlarga kelish kabi qobiliyatini yanada shakllantirdi, intellektual salohiyatini oshirdi.

- Vatan himoyasi har bir yigitning sharafli burchi, - deydi kichik serjant V.Niyozov. - Yurtimiz tinchligi va xalqimiz farovonligi yo‘lida xizmat qilayotganimdan faxrlanaman. Bu yerda harbiy xizmatda egallagan bilimlarimizni yanada mustahkamlab, tajriba orttirdik. Endi bu yerda olgan tajribalarimizni askarlarga o‘rgatamiz. Davlatimiz  tomonidan biz, harbiylarga qaratilayotgan alohida e’tibor va g‘amxo‘rlikdan behad minnatdormiz.

* * *

Suratlarda: Qarshi serjantlar tayyorlash maktabida maktab bitiruvchilariga sertifikat va ko‘krak nishonlari topshirish marosimidan  lavhalar.

Sobir NARZIYEV olgan suratlar.