- Ҳозирча бир кунда ўртача 2000 дона маҳсулот тайёрланаяпти, - дейди корхона раҳбари Сардор Эрназаров. – Ишлаб чиқариш цехимиз барча зарур ускуналар билан жиҳозланган. Бу ерда 10 нафарга яқин киши меҳнат қилаяпти. Қурилиш материалимизга талаб юқорилигини ҳисобга олиб, маҳсулдорликни икки ҳисса оширмоқчимиз. Шу мақсадда 120 миллион сўм миқдорида кредит беришни сўраб, тижорат банкига ўз бизнес-режамизни тақдим этдик. Таклифимиз маъқулланди. Мазкур маблағ эвазига бир қанча қўшимча станок ҳамда қум, цемент ва шағал каби хомашё материалларини харид қилишни мўлжаллаяпмиз. Бундан ташқари, корхонамизда тез орада брусчатка ишлаб чиқаришни ташкил этиш ниятидамиз. Бу лойиҳаларимиз амалга ошса, ишчиларимиз сонини 50 нафарга етказиш имконига эга бўламиз.

М.ШУҲРАТОВ