Қашқадарё вилояти ҳокимлиги ва Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ҳамкорликда воҳалик ижтимоий ҳимояга олинган кам даромадли оилалар ва “Меҳр” операцияси доирасида хориждаги жангоҳлардан юртга қайтарилган аёллар фарзандлари учун кўҳна Хоразм заминига саёҳат уюштирди.Бугун қирқ нафар ўғил-қиз катталар ҳамроҳлигида уч кунлик сафарга кузатиб қўйилди. Улар Хоразм вилоятининг диққатга сазовор манзиллари, тарихий жойлари ва меъморий обидаларида бўлишади.