Ўтган йили Хитой фойдаланилган автомобиллар экспортини 45 фоизга ошириб, рекорд натижа қайд этди. Бу ҳақда Nikkei иқтисодий нашри хабар тарқатган.

Атиги бир йил ичида мамлакат шундай машиналардан 400 мингтасини экспорт қилган. Нашр ҳисоб-китоблари бўйича, Хитойдан етказиб берилган фойдаланилган автомобилларнинг тахминан 50 фоизи Қирғизистон,   Россия ва Ўзбекистон ҳиссасига тўғри келади.

Фойдаланилган Хитой машиналарининг мамлакатдан экспорти ўсишини ноёб кўнгилочар функциялари, шунингдек, арзон нархлари билан уларнинг машҳурлиги ортганига боғлашган.

Аввалроқ Хитой автомобиллари эксплуатацияга берилганидан бир йил ўтиб, ярим қийматини йўқотиши айтилган эди.