Халқаро сейсмология маркази Ер қаърида аввал номаълум бўлган қатлам - иккинчи ички ядро аниқланганини хабар қилди. Изланишлар натижаларини Journal of Geophysical Research (JGR): Solid Earth нашри эълон қилган. 

Олимларнинг сўзларига кўра, бу янгилик сайёра тузилишига оид шаклланган қарашларни тубдан ўзгартиради. Ушбу кашфиётга қадар Ер тўрт асосий қатлам: қобиқ, мантия, ташқи ва ички ядродан тузилган деб ҳисобланган.

Янги ядро минглаб сейсмик тўлқинлар ёзувларини таҳлил қилган инновацион алгоритм туфайли аниқланган. Тадқиқотчилар фикрича, 5000 даража атрофидаги иссиқликда чўғланиб турган ички ядро физик хусусиятларига кўра фарқланадиган икки қатламдан ташкил топган.

Иккинчи ядронинг шаклланиш механизми ҳозирча жумбоқлигича қолаётган бўлса-да, олимлар янги кашфиёт Ер қаърининг мураккаб тузилиши ҳақидаги илк фаразларни тасдиқлашига ишонмоқда.