Илк маротаба ўтказилаётган мазкур тақдимот танлови партиянинг қуйи ташкилотлари орасида сиёсий фаолликни ошириш, аҳоли билан ишлашда мафкуравий тарғибот-ташвиқот ишларини жонлантириш, партиянинг жамиятдаги ўрни ва таъсирини кучайтириш ҳамда тарғиботчиларни рағбатлантириш, уларнинг сиёсий жараёнлардаги фаоллигини ошириш мақсадида ташкил этилган бўлиб, унда танловнинг Қарши шаҳри ва туманлар босқичи ғолиблари ўзаро беллашишди. 

Иштирокчилар ўз фаолиятларида мафкуравий тарғибот-ташвиқотни янада кучайтириш, аҳоли билан ишлашда тарғиботчиларнинг роли ва таъсирини ошириш, партия йўналиши, фаолиятини намунали тарзда йўлга қўйишга қаратилган лойиҳалари, амалий таклифларини тақдим этишди.  Тарғиботчиларнинг ҳар бир шарт бўйича чиқишлари ҳакамлар ҳайъати томонидан муносиб баҳолаб борилди. Бунда уларнинг ташаббускорлиги, сиёсий билимдонлиги, умумбашарий ва миллий қадриятларни яхши ўзлаштирганлиги ҳисобга олинди.

Якуний хулосага кўра, танловда 1-ўрин Қарши шаҳрилик иштирокчи Сурайё Ўруновага насиб этди. 2-ўринга Қарши туманилик Асрор Турсунов, 3-ўринга эса мубораклик Панжи Жалилов муносиб деб топилди.

Х.ҚИЛИЧЕВА