Шаҳрисабз туманида фаолият юритаётган "Аҳмедов Актам Бухорович" МЧЖ цехида ишлаб чиқарилаётган сифатли картон ҳамда қоғоз қадоқлар эса бунинг учун айни муддао. Улар турли маҳсулотлар учун мўлжалланган. Тўрт йил аввал ишга туширилган корхона учун кераксиз қоғоз чиқиндилари хомашё вазифасини ўтайди. Уларни замонавий технология ёрдамида иккиламчи қайта ишлаш орқали тайёрланаётган картон ўрамлари, қоғоз қадоқлар эса шартнома асосида ишлаб чиқарувчиларга етказиб берилмоқда.

- Асосий харидорларимиз тўқимачилик, ёғ-мой саноати корхоналари ҳисобланади, - дейди цех иш бошқарувчиси Ортиқ Аҳмедов. - Бундан ташқари, бизда тайёрланаётган турли ўлчамдаги гофро қутиларга ҳам талаб юқори. Харидорлар цехнинг ўзидан олиб кетишаяпти.

Эътиборли жиҳати, цехда ортиқча чиқит чиқишига йўл қўйилмайди:  иш жараёнида ортган қийқим қоғозлар яна қайта ишланади.

Ушбу корхонада бугунги кунда 14 нафар ишчи меҳнат қилаётган бўлиб, уларнинг аксариятини коллеж битирувчилари ташкил этади.

Х.ҚИЛИЧЕВА

Суратларда: (чапдан) иш бошқарувчи Ортиқ Аҳмедов ҳамда Савдо-саноат палатаси Шаҳрисабз туман ахборот-маслаҳат маркази раҳбари Самариддин Зайниддинов; корхона ишчиси Тўйчи Намозов.

Собир НАРЗИЕВ олган суратлар.