Шу куни истироҳат боғида Халқаро болаларни ҳимоя қилиш кунига бағишланган катта байрам тадбири бўлди. Тадбирда шаҳардаги ўрта мактабларнинг ўқувчилари ўртасида “Ранглар жилосида она диёр” расмлар кўргазмаси, 1-, 9-Болалар мусиқа ва санъат мактаблари ўқувчилари томонидан “Бахтли болалик”, “Санъат ғунчалари” каби концерт дастурлари намойиш этилди. Шунингдек, Муллатўйчи Тошмуҳаммедов номли вилоят мусиқали драма театри  хонандалари томонидан тайёрланган концерт дастури барчага хуш кайфият улашди.

Байрам муносабати билан болаларга бепул музқаймоқлар тарқатилди. Боғдаги 44 та аттракцион болажонлар ихтиёрида бўлди.

Худди шундай тадбирлар вилоятимизнинг барча шаҳар ва туманларидаги маданият ва истироҳат боғларида бўлиб ўтди. 

Ш.КАРИМОВА