Unda viloyatimizdagi uch oliy ta’lim muassasasi talabalari hamda axborot texnologiyalariga qiziquvchi yoshlar o‘z mahoratlarini sinovdan o‘tkazishdi.

Ta’kidlash joiz, mazkur tanlov 15 yoshdan 30 yoshgacha bo‘lgan, axborot texnologiyalariga qiziqqan, o‘zining ilg‘or g‘oyalarini amalga oshirishga urinayotgan yigit-qizlarni qamrab olgani bilan ahamiyatli.

- Ko‘rik-tanlovda yoshlar o‘zlarini uch nominatsiyada sinab ko‘rishdi, - deydi loyiha rahbari Bekzod Ortiqov. – Ya’ni veb-ilovalar, mobil ishlanmalar va virtual hayot uchun ilovalar ishlanmasi. Hududiy bosqichda saralangan loyihalar bilan malakali mutaxassislar tanishib, ular haqida o‘z fikr-mulohazalarini bildirishadi.

Eslatib o‘tamiz, eng yaxshi natija ko‘rsatgan ishtirokchilar tanlovning final bosqichiga yo‘llanma oldi. Shuningdek, g‘oliblar axborot texnologiyalarining xorijdagi eng so‘nggi yangiliklariga bag‘ishlangan bir qator mahorat darslari va taqdimotlarda ishtirok etish imkoniyatiga ega bo‘ladi.

Azizbek NOROV